‘A gatta d’a Zza Cicca

1.
….Sta za Cicca murritusa
Troppu amanti di la gatta
Nun ci restanu cchiu’ piatta
Tantu stupeta chi e’.

Va satannu casa casa
Ntra lu stipu lu divanu
Ntra li seggi u cantaranu
E pur’anchi ntr’u sufa’

Ha’.. ha’, ha’….
Ha’, ha… ha’….
E viriti chista gatta
Zoccu s’hapi cummina’.

2.
….Na Duminica matina
Era journu d’allegria
Sinni va a la vucciria
E sintiti c’accatto’

Ch’iddu pisci misu ammoddu
Che chiamatu “Baccalaru”
E parrannu beddu chiaru….
N’arruvina chiddu fu’!….

Ha’.. ha’, ha’….
Ha’, ha… ha’….
Da Zza’ Cicca baccalaru….
Chidda gatta unni lasso’….

3.
….Avanteri m’accattavi
Menzu rotulu di sasizza.
P’idda gatta, n’alligrizza
Un cunfortu, veru fu’.

Ch’idda gatta sbriugnata
Da sasizza sinn’adduna
E cu quattru muzzicuna
A sasizza si mancio’.

Ha’.. ha’, ha’….
Ha’, ha… ha’….
Io ci appizzavi la sasizza
E a Za’ Cicca u Baccala’!!