Adiu cavu

Emilio Azaretti – 1930 – musicata da Luigi Cebrelli

U Cavu u l’è carau !
nu steve a spaventà,
u Cavu u l’è carau,
ma intregu, a bataglià.

Ma u l’è carau pe’ fane u sou salüu,
pe’ dine che ‘sta vota i u cacia zü.
Adiu Cavu, barcun de Ventemiglia,
nu te viremu ciü.

De giurnu se gh’andavimu
â bela vista e au su’,
e pöi ghe riturnavimu
de seira a fa’ l’amù.

L’è za ciü de vint’ani
ch’i dixe: – U carerà –
perché u l’à i pei inte paute
e a crota in po’ fiscià.

Ma vistu ch’u ten düru
e ch’u nu vö carà,
perché u nu se derròche …
i u vön fa’ derrucà !