Angelina – Giuseppe Bosio

Giuseppe Bosio – 1924 – musicata da Francesco Parodi

Angelina a l’è andaita a fa l’erba,
a l’è andaita a matin de bun’ura,
fresca e bela, e cu’a buca ancù axérba
a se canta a pasciun d’u sou cö:

O mei Pepin
t’aspeitu a ca’,
ti fai l’arpin
ma a fenirà!
Ti sai che in bàixu
ti me l’ài daitu
cume in bumbàixu
u m’à açesu u cö.

Angelina ascascià int’ina fascia,
suta in persegu tütu sciuriu,
intantu ch’a canta a ciü bona a gh’à lascia,
che a puaira a nu’ taglia za’ ciü.

In pe’ d’oura cianin d’a marina,
u destaca ina sciura de persegu;
sciura bela – a gh’à ditu Angelina –
de lasciü tü ti ài vistu Pepin !