Coraggio la Democrazia Cristiana… Propone le pensioni a settant’anni

Testo Della Canzone

Coraggio la Democrazia Cristiana… Propone le pensioni a settant'anni di Canzoni Sarde

Anno 1964

Carapezza fusilai
po sa vili intenzioni
a settantannus sa pensioni
hat propostu de donai.

Custu maccu Direttori
de sa previdenza sociali
chidi pighidi unu mali
non di passit su dolori
mancu su mellus dottori
non du pozzat prus curai
A settantannus sa pensioni
hat propostu de donai…

Hat fattu custa proposta
po ndi tenni mann’incomiu
inzerrau in manicomiu
siat custu facci tosta
non d’atturit una costa
sana po porri campai
A settantannus…

Su minadori a settantannus
est prus mortu chi no biu
custu burdu scimuniu
bolli tenni gradus mannus
a chi tengat setti dannus
su zugu pozzat segai.
A settantannus…

E cust’altru della Fava…
Persona pagu seria
inzurtendi sa miseria…
Riputau anima brava!!
Su poberu in forma schiava
iat’abbolli assoggettai.
A settantannus…

Su gruppu Cumunista
dàt fatt’una domanda
sa risposta branda branda
hat donau a facci trista
pozzat perdi sa vista
po no porri camminai.
A settantannus…

Su poberu contadinu
cun’is manus totus callus;
cussus gi funti traballaus
marrendi de continu
pagu pani e nudda binu
custrintus a sopportai.
A settantannus…

Po binci custa battaglia
bisongiu a essi unius
o dunca prus’avilius
si rendi custa canaglia
custa vili marmaglia
da deppeus debbellai.
A settantannus…

Su notabili Carapezza
passat fida tranquilla
su pistiddu a dua pilla
puita papat pisc’e pezza
sa pension’e mesu pezza
su poberu po affamai.
A settantannus…

Certu passat’a sa storia
su governu de … sinistra!
Operaio totu registra
de sa sporca vanagloria
sa pensioni e sa memoria
iat’a bolli liquidai.

Si torressit Di Vittoriu
e biessit custu dannu
unu burdellu mannu
fiat in Montecitoriu;
una dose dormitoriu
si dongat po creppai.
A settantannus…

Pietru Nenni e Aldu Moru
in su fatt’e sa pensioni
cal’e sa posizion???
Chi pigais cun decoru?
Punta manna a su coru
si pighit senz’e fiatai.
A settantannus…

S’appuntamentu è fissau
su bintidus’e bintitresi
de novembre giustu su mesi.
Bint’annus s’antingannau,
po biri totu cambiau
sindi deppeus sbarazzai!
A settantannus…

Po respingi cuss’azzardu
cest’una cosa bella:
falci martedd’e stella
vota populu sardu
non aspettis prus’atardu
custa genti a giubilai.

Carapezza fusilai
po sa vili intenzioni
a settantannus sa pensioni
hat propostu de donai.

Contro la dimsumana
e disonesta proposta Carapezza
VOTA COMUNISTA

Il testo contenuto in questa pagina è di proprietà dell’autore. WikiTesti è un’enciclopedia musicale con lo scopo di far conoscere a quante più persone possibile il panorama musicale.

Social

LASCIA UN COMMENTO

Please enter your comment!
Please enter your name here