Coreva andar pel mondo…?

(di Pietro Soffici)

Co’ la fiaca strassinando i pie’,
un giorno in bosco Siana tornerò,
de ciclamini un masseto ingrumerò
e a casa in un bicer li meterò,
per ricordar con tanto amor,
la` dove un giorno go lassado el cuor.

‘Coreva andar pel mondo?
e tanto tribolar,
per capir che tuto il mondo,
lo gavevimo qua!

A xe cosi la vita,
ghe vol ciorla come che la vien,
bastava un toco de sofita,
e volerse un po de ben.

Gente bona, gente cativa,
dapertuto ti pol trovar,
ma la tua tera no’ te ga mai inganà,
ti vedi la xe ancora qua:

Le bianche sponde, i verdi oliveti,
el sol che mori sui veci teti.
. . . . . . . . .

Coreva andar pel mondo?
e tanto tribolar,
per capir che tuto il mondo,
lo gavevimo qua!