El gir del mond

Album

È contenuto nei seguenti album:

Testo Della Canzone

El gir del mond di Nanni Svampa

Canzoni popolari Lombardia

Ohej mì sont partii a fa el gir del mond
Ma per vedè se l’era rotond
per lavoramm trii o quatter sposòtt
perchè s’eri stuff de andà al casòtt

Ecco ch’emm fàa el primm salton
e semm arrivaa fin in Giappon
ohèj lilinscí hinn faa different
sòtt ai barbis gh’han denter i dent

Gh’è’l Gervas cont el Battista
in Giappon che fan i dentista
ohèj giovinòtti andemegh adree
se nò gh’è’l mezzo de vegní a cà a pee

Am abaradàmm
ad Addis Abeba gh’han miss i tram
gh’han miss i tram con la perteghetta
e tucc i negher in bicicletta

Em eberedèmm
vendi la vacca e vegni a San Rèmm
Um umeredúu
gh’è in gir la vos che tí te see on cúu

Mí sont el ras ma de la Bovisa
e quand la gent la me ved a passà
me varden i scarp i calzon la camisa
e disen tucc: a l’è matt de ligà

Ma lor el san minga che sont travestí
de dònna la sera de omen del dí
controlli i bastion da la Fera a Lorett
avarii già capí che sont mí el 07

America Russia Cina e Giappon
con mí a hinn in ottim relazion
e i tegni informaa de tutt l’andament
da la Trecca a lo scalo de Smistament

E inscí hoo tiraa su on sacch de dònn
de tucc i paes e trii de Sarònn
e ci ho una Giulietta color pisquano
per controllare tutta Milano

A gh’è la Maria la stiradora
che lee per i bigol la va in malora
lee i e stira a dùu a dùu
vun con la nasa e l’alter col cùu

E lee come tosa la me piasaria
ma l’è on poo bassa de carrozzeria
ohèj come dònna l’è minga mal
ma vacca malora la pesa on quintal

Slonghi la man per toccà la foinera
ohèj porco can la trà giò la dentera
slonghi la man per avègh on sostegn
la ghe se disvida la gamba de legn

Però de danee lee n’ha faa on spropòsit
la gh’ha el sedes ch’el par on depòsit
ghe passa denter la littorina
el capp stazion con la banderina

Ohi la bissa la bissa la bissa
l’è la regina del Parco Ravizza
la gh’ha trent’ann ne dimostra desdòtt
l’è la regina de tucc i casòtt

lo son Pierino il moccolo e foo el barbee
e l’hoo imparaa da piccolo sto bel mestee
Son stato in Abissinia venivo da Macao
per fagh la barba al Negus intorna al bus del gnao

Ma la barba a noi non ce la fanno
se ce la fanno la pagheranno
o se on bel dí se incontrarèmm
pistolettàa de la vacca malora se tirarèmm.

Il testo contenuto in questa pagina è di proprietà dell’autore. WikiTesti è un’enciclopedia musicale con lo scopo di far conoscere a quante più persone possibile il panorama musicale.

Commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *