Ginirali

Testo e musica di Fortunato Sindoni

Ginirali, quant’anni su’ passati
dı lu tristi jornu ca t’ammazzaru
câ to scorta a tìa ti massacraru,
d’Emanuela non epbıru pietati!

Via Carini, dda strata mâ ricordu..
Quanta genti c’era a lu funerali!
Li mafiusi, arricriati a fari i mali,
pulizziàvanu lu mitra ‘i sangu lordu!

Ginirali, cu foru l’assassini
ca a la me terra ci ‘nzìccanu li spini?
Via Carini, “dda morsi la spiranza
dâ Sicilia e dâ so genti onesta!” (1)

Ginirali, paroli sulu haju sintutu,
Ma i mafiusi caminanu ‘ntê strati.
Ammiscati chî figghi ‘i l’ammazzati
E nui sapemu comu su riviruti!

Ginirali, dicìvi a vuci forti:
« Mi lassàru sulu comu un cani!
pi cumpagni quattru cristiani
e unni battu, mi sprangunu li porti! Â»

Via Carini, com’Ú funna la notti
pa Sicilia ca chianci li so morti!
Ginirali, la rabbia da me genti
nun trova risposta ‘ntâ justizia di putenti!

Ginirali, tu ci spiravi tantu
di vidìri ‘sta Sicilia marturiata
finarmenti senza la ‘nnuminata
di ‘na terra mafiusa e china ‘i scantu!

Ginirali, assai sunnu li morti
pı vuliri canciari ı cosı stortı!
Via Carini, settembri ottantadui..
cu ddi morti cripàmmu puru nui!