Canzon disinvolta

Album

È contenuto nei seguenti album:

Testo Della Canzone

Canzon disinvolta di El Luisin tassista

Musicata da Claudio Merli

L’è larga la foeuja stretta la via.

Ti ciappa la scova con energia

messeda la stòria con attenzion…

e scolta per ben ‘sta noeuva canzon.

Nòtt meravigliosa de primavera.

Nòtt che la te incanta volentera,

con la fantasia d’on sògn nostran

te pòrta al scur in d’on paes lontan.

E in del scur ona zanzara

cont el sò zinzin zinzetta,

con astuzia fastidiosa

tutt intorna la svolazza.

I moschitt per la zanzara

voeuren fagh la serenada.

Per dispett la se rigira

e la spung la carna viva.

Nòtt che fa flanella e la natura

a svèlta la gira giust in misura

tutta l’armonia del scur de nòtt.

Se derva i pòrt del ciar e tutt in bòtt…

Li in giardin gh’è la farfalla

che la sgora spensierada.

La se ferma quand l’è stracca

sù la frasca d’ona pianta.

La se alza la se sbassa,

se slonga poeu la torna

su ‘na ròsa profumada

fresca fresca de rosada.

………………………………..

La zanzara che zinzetta

l’è l’insegna del fastidi.

La farfalla quand la vola

l’è ‘l profil de l’eleganza.

Il testo contenuto in questa pagina è di proprietà dell’autore. WikiTesti è un’enciclopedia musicale con lo scopo di far conoscere a quante più persone possibile il panorama musicale.

Commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *