Il canto dei pellegrini

Sugnu vinutu di lunga via
pi truvà Santa Maria
Santa Maria l’aju truvata
la regina ngurunata

E dinta sta cappella
c’é Maria ch’é tanta bella
chi lijia e chi scrivia
lu bominu m’brazzu tinia

Madonna oj Madonna
Tu chi ncielu si culonna
E chi ‘n terra si funtana
Rispunna a chi ti chiama

Guardati ‘sta Regina
Che a lu tronu stà
Guardatila quant’ è bella
E che ‘n cielu si ni và

Si alzanu li stelli
E’ viva Maria
E sta gioia priziusa
Pi salvà l’anima mia

Duminica mattina
Mi scuntri la Madonna
Ci cercu la saluti
Vieni Madonna vien m’aiuti

Alli piedi di la Madonna
C’è nata na bella rosa
E li stelli ‘ntorni ‘ntorni
Fammi la grazia oj Madonna

Fammilla e non tardari
Che si santa e la poi fari
E si setti celesti siti
Tutt’ è setti mi la faciti

Nu mi ni vaj di ccà
Si la grazia nu mi la fa
E fammila Madonna mia
E fammila pi carità

E mò mi n’aja jiri
E nun aju chi ti di
E ti dicu n’Ave Maria
Statti bona Madonna mia