La vita de San Lessi

La vita de San Lessi,
che bella vita che l’è
per ubbidir sò pader
oh sí l’ha tòlt miee.

Per ubbidir sua mader
prest l’ha menada a cà
quand fu a metà al banchetto
s’è miss a sospirà.

Perchè piangii o Lessi,
perchè piangii mai vuu?
Ho dato in voto a Dio
la mia verginità.

Quand fu a metà la strada
el boia l’ha tentàa:
dove te vet o Lessi,
dove te vet mai tì?

Mì voo a girare il mondo
per fare il pellegrin!
La tua moglie cara
la fa di alter marí.

Sentii ona voos dal cielo
de non scoltà quel lí:
la moglie mia cara
l’è pussee bòna de mí.

L’è stato via sett anni
dòpo l’è ritornà
el va in de sò pader
in cerca de loggià.

Mí sí te loggiaria
in stalla d’i gainn
quand fu metà la nòtte
senti sonà i campann.

O sí l’è mòrt San Lessi
cont ona lettra in man
va là el suo buon pader
e non la lassa andà.

Va là la sua mader
e non la lassa andar
va là il Papa de Roma
e non la lassa andar.

Va là la moglie cara,
oh sí la lassa andar
e poeu che l’hann leggiuda
s’hinn miss a sospirà.