O pillo pillo pì – Canto popolare

Testo Della Canzone

O pillo pillo pì – Canzoni Pugliesi

Canzoni Salentine

Uè caru Pascalinu, caru nunnu Tore
lassati alli fili vosci lu modu de pensare
e tie caru Narducciu quante notti ca nu dormi
percé li patruni toi te schiaccianu comu vermi
e tie caru Franciscu alla scola no’ poi andare
percé se sai qualcosa allu patrunu li face male

Opillopillopì opillopillopà
bisogna pur lottare ma per la libertà

E non diciti sempre mundu era e mundu ete
se non ne domandamu in Vietnam ce sta succede
ce sta succede in Cile, in Portogallo in Palestina
ce sta succede all’Africa e a tutta l’Indocina
lu mundu se riggira, lu mundu se ribbella
percé ci nu fatica face sempre la vita bella
lu mundu se ribbella, lu mundu se riggira
percé ci fatica, nu porta mai na lira

Opillopillopì opillopillopà
bisogna pur lottare ma per la libertà

Lu 1970 è già passato
cantamu sta canzone per comu fu cantata
ma tocca cu decimo scusate amici cari
li problemi de allora su rimasti tali e quali
prima erano italiani costretti ad emigrare
osci su l’arbanesi ca traversanu lu mare
de lu Maruccu all’Africa lu Senegal la Turchia
li poveri caminanu ca cercanu la via

Opillopillopì opillopillopà
bisogna pur lottare ma per la libertà

Confrontu a sti disastri non me pozzu lamentare
ca a quista Italia nostra nu se more cchiù de fame
de libertà se parla se continua mò a parlare
la libertà al padrone si però de licenziare
se la Democrazia Cristiana non c’è chiui
‘nc’è l’unto del Signore ca è scisu fino a quai
e sta sinistra è bona sulu face opposizione
ca cu ngarra na mossa pare tene lu terrore
cu ste televisioni nu’ se capisce niente
programmi spazzatura scemuniscenu la gente

E quindi per finire ieu tocca cu bu dicu
aggiu giratu u mundu qualche cosa aggiu capitu
aggiu giratu u mundu aggiu visti fiacchi e boni
lu cchiù pesciu de tutti ete lu Sirvio Berlusconi!

Opillopillopì opillopillopà
bisogna pur lottare ma per la libertà.

Commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *