La canzon de l’illusion

Musica di Claudio Merli

A l’era tanta bella

e mi hoo vist in lee,

tra tanti stell, la stella

che m’ha indolzii pussee

i tentazion d’amor,

che s’hinn smorzaa in del coeur

con pù nissun calor,

compagn d’on fior ch’el moeur.

E l’ultima illusion,

coi boff d’ona ventada,

e tucc i sò magon,

sui nivol l’è volada.

Ma quand se mett a pioeuv,

dai nivol i magon,

ritornen de bell noeuv

insèma a l’illusion.

E quand la nòtt l’è ciara

mi pover vagabond,

a voo con la ghitara

in tucc i sit del mond.

Ricanti i me canzon,

content e spensieraa

scorlissi l’illusion

che on fals amor m’ha daa.