Lu tamburieddrhu

Lu tamburieddrhu miu vinne de Roma
ca me la ‘nduttu na napulitana

Lu tamburieddrhu miu è de Nucija
ca iata a ci lu tuzza e lu sturtija

Lu tamburieddrhu miu de Galatina
e ca fammela ballare sta signurina

Lu tamburieddrhu miu è de cocuzza
ca iata a ci lu pija e ci lu tuzza

Lu tamburieddrhu miu è chinu de rose
ca face scazzicare le caruse

Lu tamburieddrhu miu nu tene voce
ca tutti li cristiani mette ‘ncroce

Lu tamburieddrhu miu face ballare
tutte le caruseddrhe face nnamurare

Lu tamburieddrhu miu nu viziu tene
ca tutte le caruseddrhe face ballare