Mi soo no ‘l perchè

Semm chi
e l’è tutt e l’è nient
e mi
mi soo no cosa dì.

L’è on bar
e ghè no tanta gent:
cafè
vun per mi, vun per ti.

Mi soo no ‘l perché
riessi no a parlà
mi te cerchi i oeucc
voraria basà.

Voraria ma perché a l’è ‘ndada insci
voraria ma perché tutt l’è dree a finì
voraria ma perché trovi pu la man
voraria ma … ma ti, ti te set lontan.

Mi voo
ciao, se troevom doman…
D’acord,
mi te speti an’mò chi.

Quant’è?
Lassa sta, paghi mi,
andem
te compagni al tram.

Per la strada ti
te me det la man
voraria savè
chi te l’ha fà faa.

L’è andada gent, sont chi de per mi,
se gh’è staa on quaj cos dess l’è già finì,
gh’è on quaivun che ‘l dis de desmentegà
che sti robb van inscì, che gh’è nient de faa.

Cafè
uno corretto, l’altro no.
E speti speti
ho bevuu anca ‘l to.