Album
È contenuto nei seguenti album:
Testo Della Canzone
Microbi d'amor di El Luisin tassista
|
Musica di P. Arosio
La malatia a l’è ‘na longa lama che tutta trasparenta la livella el temp de la durada de la vita, de chì posteggia el còrp in sù la terra. Dottor cont i speziee, la medesina, e i bei speranz insèma tègnen testa al mal fin che se pò, contra la vita, che denter d’on còrp san, se sent sicur. Ma i microbi d’amor tant ross e stagn dolz e rotond, compagn d’ona sciresa e i melodii seren de ‘sta canzon, che gh’è scritt sul pentagrama cont i bei dònn mezz biòtt distes in sù la spiaggia spanteghen l’infezion del nòbil mal d’amor. Te ‘l disi cont el coeur… oh malatia Te preghi tant, de mì tì và pù via! Nanca el progress con tutta la sapienza, el pò tegnì lontan la malatia coi microbi d’amor che te regala di sensazion d’on paradis in terra. Mai pù mi saggiaroo ‘na medesina col temp me ciapparà l’epidemia di fever delizios de bella dònna, che tègnen dolz el sangh con tenerezza.
|
Il testo contenuto in questa pagina è di proprietà dell’autore. WikiTesti è un’enciclopedia musicale con lo scopo di far conoscere a quante più persone possibile il panorama musicale.