Pola – Romana

(di Luciano Speranza – Antonio Saitz)

Sta mia cara e vecia Pola
la se fa sempre più bella
la me par propio una stela
piena de Italianità.

Un sofion de vita nova
se ga senti per la strada
per le rive sue bagnade
de sto caro nostro mar.

Le mule Polesane
xe tanti botonzini
de rose senza spini
fate per far l’amor.

Se in questo mondo mato
cità trove più bela
de pola la mia stela
voria morir d’amor.

Oltre a tute ste beleze
de sta picia capitale
xe l’Arena colosale
la gran Roma a ricordar.

Xe latini i nostri coli
Xe latini anche i pineti
soto i rustighi mureti
che dolceza far l’amor.