Bambinuzzu bambineddhu

E nta la grutta cu’ Maria,
c’è l’arcangilu Gabrieli
chi nci faci compagnia,
cu’ lu boi e lu sumeri.
San Giuseppi vecchiarellu
quandu vitti lu Messia
eppi un grandi privilegiu,
lu bastuni lu sciuria.

Bambinuzzu Bambinellu,
chi si’ duci chi si’ bellu,
chiddha notti chi nascisti
quantu friddu chi sentisti,
san Giuseppi ti guardava,
e a Madonna ti cullava
e cantandu ti diciva :
– Dormi bellu, gioia mia. –

Bambinuzzu Bambineddhu,
cu sta vesti i pulcinella,
li capilli cionduluni,
su’ calati anelli anelli,
e’ capilli toi ‘ndorati,
nci ’taccamu rosi e hiuri
rosi e hiuri su’ cughiuti,
pi’ purtarli a lu Signuri.

La cometa cumpariu
nda lu celu ch’era niru
e la genti capisciu
ch’era natu lu Bambinu.
Oggi è jornu di Natali,
di lu santu Redenturi,
tutti quanti amu a priari,
lu divinu Redenturi.