Album
È contenuto nei seguenti album:
Testo Della Canzone
El fior pussee bell di El Luisin tassista
|
Musicata da V. Pinotti
Col sô de primavera, in sul sentee sfioraa di pass legger de la mia vita, spontava col trifoeuj, visin al bosch, on stel lusent bell dritt de margherita. Col sò profumm intant de gioventù, de sòtt la lus del dì mì l’hoo catada. E in gesa sù l’altar, tra i fior d’aranz, in del me coeur per semper l’hoo sarada. Amor meraviglios! Eterna fontanella che lassa on segn prezios che nanca cont el temp el se scancella. Te ciappa strett el coeur, te ninna in d’ona cuna, te pòrta in doe el voeur, in paradis sui àl de la fortuna. Dal vegg sentee a l’ombra del tramont, con giòia e cont amor, la margherita, me ciappa anmò per man e con calor la me indolziss l’amar de la mia vita. E stoo bell fior de bosch del mè destin, de sposa prima e poeu de mamma e nònna, cont on soris grazios e tanto amor, la gh’ha per tucc la parolina bòna. L’è quest on grand amor ch’el coeur el te carezza. Te fà provà el savor de l’univers inter faa de dolcezza.
|
Il testo contenuto in questa pagina è di proprietà dell’autore. WikiTesti è un’enciclopedia musicale con lo scopo di far conoscere a quante più persone possibile il panorama musicale.