El gatt

El gatt, el gatt, el gatt,
El sbircia sora al piatt;
Sul piatt gh’è su el stuaa
E quand l’è el moment bon,
Le sciampa e via a salton.

Gnao, gnao, gnao.
Che moster d’on ladron!
Gnao, gnao. gnao.
Che birbo d’un gatton!

E1 gatt, el gatt, el gatt,
el gh’ha in di sciamp on ratt,
El ratt che l’ha ciapaa…
Le mola e poeu le tira
Content come on tre lira.

Gnao, gnao, gnao,
che boia, che matton!
Gnao, gnao, Gnao,
Che birbo d’on gatton!

El gatt, el gatt, el gatt,
El smania come on matt,
Quand lu l’è innamoraa…
A fà l’amor lu’l gira
Sui tecc, mattina e sira.

Gnao, gnao, gnao,
L’è propi on tormaggion!
Gnao, gnao, gnao,
Che birbo d’on gatton!

El gatt, el gatt, el gatt,
El gh’ha bel pari a sbatt
L’è in legora consciaa…
Se’l capita in di pee,
D’on ost che sa el mestee!

Gnao, gnao, gnao.,
O come l’è mai bon!
Gnao, gnao, gnao.,
Quel birbo d’on gatton!