Album
È contenuto nei seguenti album:
Testo Della Canzone
El papa… Scior curaa di El Luisin tassista
|
Musica di Claudio Merli
In tucc i cà che se rispetta gh’è lì de gess la statuetta. Sul ciòd taccaa per aria per ben in bella mostra del nòster Pà Giovann se ved el sò ritratt. Sul drizz e sul rovers, in faccia ben stampada, la sbilza de pertutt la gran semplicità che spand la simpatia in tucc sit del mond. Da Roma, caput mundi, e pròpi de San Peder, sù “La sedia gestatoria”. El noster papa scior curaa, de stirpe bergamasca, coi pater in latin e in dialett el benedis i savi e i balabiòtt, i poveritt i sciori, cristian e nò cristian. Dal sò paes con pòcch pretesa, a pòcch a pòcch de gesa in gesa, a l’è rivaa a Roma, gh’hann daa in Vaticano la mitria col baston di papa di cristian. Ma lù in fond del coeur se sent pussee che papa, anmò on scior curaa, con tanta smania in còrp de stà in compagnia insèma a tanta gent.
|
Il testo contenuto in questa pagina è di proprietà dell’autore. WikiTesti è un’enciclopedia musicale con lo scopo di far conoscere a quante più persone possibile il panorama musicale.