Canzoni popolari Lombardia
De tant piscinin che l’éra
el balava vulentéra
el balava sü ‘n quattrin
de tant che l’éra piscinin.
Cunt ‘na brazza de füstagn
l’à fà foeura tüti i pagn
n’à ‘vanzzà ancamò on cicin
l’à fà foeura el gilerin
de mèt sü al so fradelin
cun fà dènt el sacucin
per mèt dènt l’urulugin
de tant che l’éra piscinin
Cul bachèt d’una fasina
l’à fà el tàvul de cüzina
n’à ‘vanzzà ancamò on cicin
l’à fà foeura el zgabelin
per mèt sü i so bei pescin
tant che l’éra piscinin
Cunt un mézz bicer de bira
l’è stà ciucc tütt’una sira
n’à ‘vanzzà ancamò on gotin
ghe l’à dà al so fradelin
l’è stà ciuch anch’lü un cicin
tant che l’éra piscinin
Cunt l’urègia d’un camus
l’à fà foeura cent papus
n’à ‘vanzzà ancamò on cicin
l’à fà foeura i brudeghin
per mét su el so fradelin
tant che l’éra piscinin
Una sègia de calcina
l’à serví a fà la casina
n’à ‘vanzzà ancamò on cicin
l’à fà foeura on casottin
de mèt dent el porscellin
el pareva un furmighin
tant che l’éra piscinin
Cunt un pügn sultant de tèra
l’à fà foeura un camp de guerra
n’à vanzzà ancamò un cicin
l’à fà foeura sèt fortin
per mèt dent i suldatin
cumandà dal fradelin
che l’à fà capuralin
tant che l’éra piscinin
Cunt un güs de una nuz
l’à fà foeura i cücet de spuz
n’à vanzzà ancamò un cicin
l’à fà foeura un cumudin
per mèt dènt l’urinarin
per fà dent el so pisin
tant che l’éra piscinin
De tant piscinin che l’éra
el dormiva vulentéra
el dormiva sü ‘n cussin
cunt insèma el fradelin
fàven giò el sò sugnettin
che paréven pürezin
de tant ch’éren piscinin
de tant ch’éren piscinin
de tant ch’éren piscinin.
