Canzoni popolari Lombardia
Oei giuvinòti fi ben atensiun
ve vöri cantà una bela cansun
de dü fradèi pres a Milan
vün Batista l’alter Giuan
L’ha cumincià ‘l fradel pieròta
che ghe parlava a una paisanòta
uei de statüra pütost basa
l’era larga quater brasa
l’era bona l’era grosa sta fiulona
uei del culur del lat e vin
a l’era ‘l tesor del so Giuanin
Ma anche lü stu ciculat
el sghignasava cume un mat
ma del vedè ‘l fradel pieròta
che ghe parlava a sta paisanòta
el ciapa el tram ch’el vegn a Milan
el va all’albergo di Tri Tülipan
el va in d’un trani mangia un bucun
el trova na dona in d’un cantun
un pu’ cun slèna l’invida a mangià insema
uei gh’è stà insema una giurnada
pö a casa se l’é purtada
Uei fradel gh’hu chi ‘l tesor
l’è grand e gros ch’el par un tor
Han cumbinà sti dü tripé
che vureven tö la mié
ma difatti l’han cumbinada
da fà spus ne la stesa giurnada
hanno invitato precisamente
tutta la porta e tutti i parénti
uei han mangià de la gran fam
vutanta chili de salam
quaranta gaìn cinquanta capun
ses nimai e vot muntun
tre padei de risot giald
e quater … de lasagn cald
tre cavagn fra üga e pér
e quater mastei da cafe ner
e han bevu a squarciagula
pien de vin fin al cupin.
L’ha cumincià stu gran dunun
tiras föra capel e spinun
tirasel föra sü l’inviada
gh’è resta sòta la crapa pelada
la gh’ha i öcc fusch fusch
la gh’ha ‘l nas ch’el ghe tira i musch
e per de pü la gh’ha i pé piat
la gh’ha la pel cume quela d’un sciat
O signori che disaster!
la gh’ha ‘l müs d’un cü de pulaster
o signur che burdel!
la gh’ha ‘l müs d’un cü de purscel
Ma lü ‘l vusava: Ven chi o fradel
vedela in camisa me par un camel
uei l’ha el stomich ch’el par un tecèt
che per impiendil ghe vor el bufèt.
Uei giuvinoti turni indré
se gh’hi vöia de tò mié
uei dim a tra mi fé na roba precisa
guardi ben quand l’è in camisa
dim a tra mi fé na roba precisa
guardi ben quand l’è in camisa
Pan pòs pan fresch
mi induini che l’è quest
pan pòs pan fresch
mi induini che l’è quest.
