Album
à contenuto nei seguenti album:
WikiTesti Ú un progetto gratuito, tutti possono collaborare inserendo testi, spartiti e video. Perché non collabori con noi?
Testo Della Canzone
Foeugh artificiai di El Luisin tassista
|
Serena nòtt romantica d’estaa.
On boff legger legger del vent de breva el fà smorzà la lus di lusiroeul desora d’ona scies con sòtta on grì, amis di mandolin e di ghitar, che per i stell ghe fann la serenada. E i stell, de l’alt di sò pogioeu celest ghe butten sora al grì i fior del ciel. Tra on fior e on alter fior che borlen giò perterra davanti de la sces se sent a l’improvis on bòtt e on alter bòtt, con vun anmò che riva, ghe manden là in castigh la serenada, al scur in d’on canton. Dal còll d’ona bottiglia de champagn, i foeugh artificiai, al ciar de luna, comincen fà sbilzà i ballonitt desora d’on crespin de cent color. E lù e lee, desòtta del crespin… man in man, settaa sù la banchetta… oeucc in di oeucc, sospir e giurament… amor amor, per semper senza fin! On scampolin de temp, l’eterno per la vita, e l’anima dal coeur nissun je pò divid! Paròll gentil sincer, i stell de testimòni… lontan foeura del mond succed quell che succed… e bòna nòtt!
|
Il testo contenuto in questa pagina Ú di proprietà dell’autore. WikiTesti Ú un’enciclopedia musicale con lo scopo di far conoscere a quante più persone possibile il panorama musicale.