Di tendè Berta la Gran Mère
N’e ran pètaqu a tère lu vel;
Noutre vosun fejan di Père Leur volontà,
vendrau leur pei !
Tuantenn’amì, dauchen la danse,
La libertà l’est blen de toeut ;
Prèdzè françà faura de France,
L’andeut, l’est pa pecui,
l’est pa permi, l’audeut.
De net euna leumière I berdzè l’at paru :
Lo Sauveur l’est neissu.
Un pouro baou l’est son palatse,
Et sat pei de fen in traver
Compouson de leur matelatse,
De ci gran Rei de l’Univer ;
Et din la rigueur de l’iver
De dò, trl lindzo l’est queuver.
Berdzè, del que le s-andze
Di chiel son descendu,
Pe tsantè le lovandze
D’un meinà voue neissu ;
Parten parten ! l’est dzà doz’aoure ;
Galopen a bethelen.
No verren ci meinà que plaoure
Din euna rètse su lo fen.
Que si petsou del etre dzen!
Me que l’est pouro in memo ten !
Quetten noutra cabanna,
Agne, feye et maouton :
Beissen bà din la plana
Tsertsè ci dzen popon.
A ci meinà din la misère.
No fat lei portè de presen.
Afin che jeu de sa mère
Lo veyen pa todzor souffren.
No fa lei portè de creissen,
et de lasse lo tsanon plein. O berdzè, ve lo veide :
ah! Io pouro meinà!
Di cetta net se freide
Su de fen l’est coutsà.
Binque le rei, din l’abondance,
Passon leur dzor din le pleisi,
L’infan Jesu, din la souffrance
L’at case ren pe se creuvi.
Et l’est per nò que vout souffri,
Et que vout netre din l’oublì.
Mon Dzeuu, v’ei voulu netre
Di un fran pouro andret !
Sensa vitre i fenetre
Vou poude avei blen fret.
V’ei pe tot tsaat dove betsette
Que soufflon contre voutre pià,
Et de dò bocon de feissette
Pouramen v’ete immaillotà,
Afin de reparè lo mà
Que no s-an fè noutre petsà.
Le rei, din leur palatse,
Retsertson le s-onneur ;
Et l’Infant Jesu catse
Din un baou sa grandeur :
Son esempio no fet comprendre
Qu’in ci mondo n’en a souffri.
Et no s-uingadze tseut a prendre
Lo tsemin dret di paradi.
Ci que meprise le pleisi,
L’or et l’ardzen, l’est son ami.
Perden son eretadzo,
Lo premie père Adan
l’at fet, din l’esclavadzo,
plaourè tseut le s-infan.
Me pe bonneur voue vint de netre
Lo Sauveur promidei gran ten.
I vin de se fère cognetre
A de berdzè pouro, ignoren
De sa veneuva, achuremen,
Lo dzablo l’est pa trop content
