La Rosa Galimberta

Oej, ma che tosa! (ma guarda che bellee)

Rimirala, vedella (la par on monument)

cont in man la sidella (la cor in sul sentee)

a toeu l’acqua del pozz.

La Rosa Galimberta, neoda de la Malia,

la tosa pussee bella de tutta Lacciarella,

l’è lee la “Miss lombarda” che adess l’è diventada

la “Miss de l’alta Italia” de chì de là del Pò.

(in di bei canton doe passa el Pò)

L’è staa a Cilavègna che dent d’on “night club”

tra ‘na gazosa e on ball l’ha cognossuu el Carloeu.

Quand lù el fà el tovaja, la vosa a scarpagòss:

“Oej ti Carloeu! Sta quiett! Fà minga el balabiòtt!

Se ti Carloeu, magara, de mì t’impòrta nient

a voo fini i me dì sarada in d’on convent”

“Oh Rosa Galimberta, stelascia del mè coeur,

in del melgon in fior con tì faroo l’amor!

E là, sù la cassina, quand pioeuv e tira vent,

al succ arent a tì… d’amor voeuri morì.

Sul Rèdefoss, in barca, intanta che se và,

mi te faroo vedè de sposa on bell anell”

La Rosa Galimberta l’è tutta ‘na storiella

che per usanza antiga, co’ i mè penser sòtt-sella,

la vola nò per caso sui cà d’ona contrada

in doe anmò se parla la lengua di lombard.

(El parlà nostran che te slarga el coeur)

E gira e poeu rigira la stòria la ritorna

in sù la stessa strada. *Carloeu…guzza la vista!*

Chì gh’ha la dònna bella, l’è minga tutta soa!

La Rosa Galimberta… te mett i còrna in coo!

Oej, ma che tosa (l’incant di me penser).

Tanta bella slanzada (la ghe fà gola a tucc)

l’è ona tosa lombarda (coi pregi e i sò difet)

che l’inziga l’amor.