Palmira traditora

Album

È contenuto nei seguenti album:

Testo Della Canzone

Palmira traditora di El Luisin tassista

Musica di V. Pinotti

Oh luna, oh luna balosetta,

come te seret bella quella sera,

con tanti stell in ciel

dal pont de la Conchetta

t’hee illuminaa d’argent

promess e giurament.

Oh quanto amor, oh quanto amor

per quell bocchin de roeusa.

Amor fiorii de sera,

amor d’ona stagion

svanii come el profumm

d’on dì de primavera.

Palmira traditora,

senza dì ne vun ne duu

t’hee ruvinaa per semper

la mia gioventù.

El pòver Giovaninn,

per fà passà el magon

el canta a l’osteria

la trista soa canzon.

Palmira, Palmira maledetta,

come te seret falsa quella sera,

te m’hee tradii con lù,

col capp de la liggera,

el primm di delinquent

e mi savevi nient.

L’è tutt el mè dolor

d’ona passion antiga

fenida in ‘sta manera

sul ringherin del pont.

Amor fenii d’incant

tra ‘l fumm de la scighera.

Palmira traditora

te m’hee faa diventà matt,

quand pensi a ‘sta vaccada

me ven voeuja de mazzatt.

Ma quand che gh’hoo giò el vin,

mi me rigordi pù

che on dì son staa tradito,

tradito in gioventù.

Il testo contenuto in questa pagina è di proprietà dell’autore. WikiTesti è un’enciclopedia musicale con lo scopo di far conoscere a quante più persone possibile il panorama musicale.

Commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *