Viaggio a Betlemme

San Giusep e la Madona
i andaven vers a Betlem.
San Giusep e la Madona
i andaven vers a Betlem.

Quand fu stati inanzi un tòco
la Madona la gh’éva séd.

«Andèm, andèm, verginella Maria,
‘na quai funtana la truarèm».

Quand fu stati inanzi un tòco
‘na funtana si l’hanno trovà.

«Bevì, bevì, verginella Maria,
bevì de l’acqua finché vurì».

La funtana la se alsava
la Madona la se sbasava.

Quand fu stati inanzi un tòco
la Madona la gh’éva fam

«Andèm, andèm, verginella Maria,
che un quai po de pan el truarèm».

Quand fu stati inanzi un tòco
un prestinaio si l’hanno trovà.

«Mangì, mangì, verginella Maria,
mangì del pa finché vurì».

Quand fu stati inanzi un tòco
la Madona la gh’eva sogn.

«Andem, andem, verginella Maria,
che na quai stala la truarem».

Quand fu stati inanzi un tòco
una stalla si l’hanno trovà.

«Durmì, durmì, verginella Maria,
durmì, durmì finché vurì».

San Giusep el va de fora
a vedè se ‘l gh’era un quài ciar

El va denter San Giusep
el trova li Gesù Bambin
el trova li Gesù Bambin
senza la fasa e senza ‘l cusìn.

Col mantello de la sua mamma
si gh’han fà la fasa e ‘l cusìn,
si gh’han fà la fasa e ‘l cusìn
per fasà Gesù Bambin.

Variante penultima strofa

Quand fu sta la mezzanotte
gh’è nasid d’in bel bambin,
gh’è nasid d’in bel bambin
sensa la fassa e sensa ‘l cusin.