A David a ninnìa

Una ninna nanna per il figlio David, cantata a cappella in lingua logudorese.A ninnìa a ninnare a ninnìa a ninnare ninna oh
disizzadu t’happo una vida intrea
su sole ha coloridu ogni chizone
pro te fiore e amore pro me.

A ninnìa a ninnare a ninnìa a ninnare ninna oh
oh fizzigheddu meu es pro te
de lughe s’es bestidu ogni nuraghe
de colore han giambadu sos fiores
de gioia murmuttan sas funtanas.

A ninnìa a ninnare a ninnìa a ninnare ninna oh
sa gioia mia sie de ogni mama
de ogni mama sa gioia mia sied’in custa terra
ispared’ogni umbra ‘e gherra
e paghe e amore happa d’ogni coro

A ninnìa a ninnare a ninnìa a ninnare ninna oh
drommi, drommi, drommi coro meu
no times già t’ischidè Deu
t’ischidè cun anghelos ballende
e cantende cun megus pro te.

A ninnìa a ninnare a ninnìa a ninnare ninna oh