A funtana d’a Catedrale

Filippo Rostan – 1933 – musicata da Anacleto Ughes
AUDIO

Davanti â Catedrale
cuřava ina funtana.
E done i se gh’inciva
u segelin,
ghe cantava dae gage
i cardelin.

Ina nöte ina bèla
a passa cun l’amante.
– O funtaeta ciaira
òn tanta se’,
dame ina taca d’aiga
pe’ bon piaixé.

– Nu stàme a büve, o bela,
che ti ài faitu pecau -.
– Se mì òn faitu pecau.
sun desgrassià,
dàme ina taca d’aiga
pe’ carità -.

A bela in scià funtana
a s’e cegaita a büve.
‘nu l’à pusciüu l’amante
l’istessu fa’,
a funtaneta ciaira
‘ l’eira secà.