Amor lontan

Album

È contenuto nei seguenti album:

Testo Della Canzone

Amor lontan di Canzoni Milanesi

Canzoni popolari Lombardia
El Luisin tassista
Musicata da V. Pinotti

In ‘stoo paes de l’altra part del mar,

forest tra tanti forestee,

i mè penser de mì

tucc pien de nostalgia

me volen cont i sògn

vers on amor lontan,

che semper in del mè coeur

el parla el me tampina.

Amor, amor lontan,

el tò respir suttil

el senti come on fior

che me carezza l’anima.

Tra i stell del firmament

in d’ona nòtt de luna

mi vedi el tò faccin

inluminaa d’argent.

Coi pentiment in d’on canton del coeur,

saraa dent di mè magon,

me senti presonee,

d’ona paròla bòna

ghe l’hoo bisògn de tì

che calma i mè torment.

E ‘stà paròla bòna

l’aspetti domà de tì.

Amor, amor lontan,

coi roeus de primavera

mi senti el tò profumm

ch’el me và in fond del coeur.

Il testo contenuto in questa pagina è di proprietà dell’autore. WikiTesti è un’enciclopedia musicale con lo scopo di far conoscere a quante più persone possibile il panorama musicale.



LASCIA UN COMMENTO

Please enter your comment!
Please enter your name here