Balada del carovida

Se ale cinque di sera no ti me vedi arivar
viene pur incontro, me so fermà a lavorar
ti lo sa che a fine mese i schei no basta mai
ghe xe le scarpe dei fioi e i vestiti d’inverno
[da comprar.

I ne ga da’ le quarantadò ore
la tredicesima mensilità
al sabo festa e a gratis da magnar
ma i ga cresuo l’afito e i ne ga fregà.

Per ‘sto sabo pomerigio te averto non state a impegnar
co visite ai parenti o altre robe da far
lo so che ghe xe i scuri novi da piturar
ma se sabo no vado a lavorar co che schei te li
[vol pagar.

I ne ga da’ la qualifica più bona
co i tre giorni di malatia
la scala mobile con i scati de anzianità
ma i ga cresuo el late e i ne ga fregà.

Dighe a sior Antonio che domenega no posso andar
a la partia de calcio che se gera combinà.
Dighe ch’el me scusa tanto, ma dopo che so sta amalà
se volemo tirar avanti, me toca andar a lavorar.

I ne ga da’ l’indenità de lavoro
co i aretrati da un anno in qua
cotimi alti e diese ferie in più
ma i ga cresuo el pan e i ne ga fregà