Cantà e sognà – El Luisin tassista

Musicata da F. Patterlini

Da l’alt del ciel ven giò ‘na vos

che per virtù o per magia

de nòtt e dì me pòrta via

el trist amar di mè penser.

Quand a l’è magg fioriss i ròs,

de primavera a l’è la festa,

senza l’amor nissun el resta

e on sògn gentil el vola in ciel.

Me scor dedent di venn

on desideri che

el voeur cantà con mì,

sognà, sognà, sognà…

e dopo poeu cantà…

coi sentiment seren

per viv cont i dolcezz

vestii de poesia.

Me pias sognà stasera

coi coeur discompagnaa

che cerchen l’ideal

sui al de poesia.

L’è tanto bell fermà

el nobil dolz moment

che in de la ment

tranquillament el passa.

Estrosa ona passion

graziosa e lusinghiera

la voeur insèma a mì

sognà, sognà, sognà,

con tanta voeuja adòss

de vess di mè penser…

di mè penser…

la spòtica regina.

Inamoraa de tanti bei canzon,

me pias sognà, me pias cantà.

Desòtt d’on ciel celest sfumaa de ròsa

cantà, cantà… sognà!