Caramadona

Gh’è un omm che’l parla de par lüü, suta l’umbria de una magnolia,
el diis che l’era un sfrusaduu, che i stèll cugnussen la sua storia,
Gh’è un omm che’l parla de par lüü e l’è un suldaa senza memoria,
un longobardo o un fedayn… urmai fa mea differenza…
Caramadona… Semm che col cüü pugiaa in soel müür,
una speranza de lüserta e un coer crumpaa al mercaa de Lenn…
Caramadona… Cui oecc che cambien de culuur…
semm che in soel fuund de la butèglia come i vermi nel mescal
Gh’è un omm che’l parla de par lüü cui medesèn ne la sacòcia,
el diis che’l voeer pioe na’ a ca’ sua che’l g’ha i marziani in del bide’
Gh’è un omm che’l pensa de tasè, ma el canta tüta la sua vita…
un scarabeo ligaa adree al coll e la Madona del Succuurs…
Caramadona… semm che col cüü pugiaa in soel müür una pagüüra
senza pressa che l’ha imparaa a beev el caffè…
Caramadona… cun la curona che lüsiss,
fa mea scapà i nost fantasmi senza de luur semm pioe chi sèmm