Che bel che iera

Sta vecia fotografia,
fata cinquant’anni fa,
la guardo, la volto, la giro,
cusì tanto tempo xe za pasà!

Un caro de muleria,
tira` da un sgaio museto,
e ogni tanto anche un baseto,
un goto de vin e tanto morbin.

Che bel che iera – co’ierimo giovani,
co’ ierimo poveri – el sol ne scaldava,
quel po’ ne bastava, l’amor che naseva…
per esser contenti – che bel che iera,
Che bel che iera – che bel che iera…

El tempo svola in un lampo,
e presto te riva el momento,
te toca tirà i remi in barca,
e lasarte portar da la corente.

Quanta fadiga fradei,
per gaver un po’ de più da la vita
ma poi ti faria anche ‘l boia,
per poder tornar indrio e no ti pol più.
Che bel che iera.