Chelu e mare

Chelu, mare, mare e chelu,
unu lugore est’andende,
undas, undas, subrappare,
coro mannu chei su mare.

“Como mama, poberitta,
accherada in su giannile
est’a corona in sa manu,
in sa manu sa corona”.

Es currende ranu ranu:
“Bae, bae in bon’ora,
carre mia, e bona sorte,
cun saludu e cun fortuna”.

“Si mi faghe tempus bonu
e m’assistì sa fortuna,
‘eo no istent’a torrare”.
Curre curre sa corona.

“No ti lèes pensamentu
sa vida chi ti desi
como es solu sa tua,
non heppas presse ‘e torrare”.

Una mama in su giannile,
una lagrima ogni ranu,
unu coro in mesu mare,
unda, unda subrappare.