Col coeur voeuri cercà – El Luisin tassista

Col coeur voeuri cercàl’incant meraviglios

fin ‘dess mai vist al mond,

che apos d’on sass el spetta

el boff legger del vent

che a la ventura el và

sui al di mè speranz

in cerca de fortuna.

Col coeur voeuri cercà

on rosc grazios

simpatich de farfall

ch’el vola in libertà

sul festival grandios

de tanti bei color vistos

che la natura,

a la stagion di fior,

per premi ghe regala

a l’oeucc

ch’el guarda sui risvòlt del mond.

Col coeur voeuri cercà

de viv la realtà

che denter di mè sògn

me fa vedè la tana

in doe a gh’è per sòrt

la gran felicità

che mai la voeur passà

sui strad che me circonda.