Cicciu Busacca
Ora di frunti a tutti li prisenti
chiedu a me figghia una cosa ‘mpurtanti
Concetta dimmi si si’ ‘ntilligenti
comu canciari ‘sti munnu birbanti?
Si tu mi duni giustu lu cunsigghiu
ti dicu brava e ti compru un cunigghiu
A la dumanna to’ l’appunti pigghiu
e t’arrispunnu senza fari sbagghiu:
s’iddu lu pupulinu fussi svigghiu
canciassi tuttu a colpu de battagghiu
ci voli sulu bona voluntati
di l’upirai e tutti l’affamati
Li to risposti sunnu cannunati
mi lassano li sensi sbalurditi
ma pp’aviri li cosi cambiati
ci volunu chiù populi ‘struiti
perciò cantamu ‘sti nostri canzuni
ppi’ luvari di menzu ‘sti patruni
Finalmenti pigghiasti la raggiuni
luvamici a li schiavi ‘sti catini
o d’ongi omu facemini un liuni
ppi’ scatunarlu contru a li parrini
pirchi monici, preti e patrunatu
su’ la ruvina di lu nostru statu
Fatti cunvintu populu affamatu
svigghjiti ‘n tempu curri e datti aiutu
svigghjiti sulfataru sfurtunatu
svigghjiti cuntadinu schilitritu
ca quannu tutti saremu svigghiati
putemu aviri paci e libirtati
ca quannu tutti saremu svigghiati
putemu aviri paci, paci e libertà.
==================================
Come cambiare questo mondo
(Traduzione di Comu canciari ‘stu munnu)
Se permettete di fronte ai presenti
chiedo a mia figlia una cosa importante
Concetta dimmi se sei intelligente
come cambiare questo mondo birbante?
Se tu mi dai giusto il consiglio
ti dico brava e ti compro un coniglio
Alla tua domanda prendo appunti
e ti rispondo senza errore
se tutto il popolo fosse sveglio
cambierebbe tutto a colpi di battaglio
ci vuole soltanto la buona volontà
degli operai e di tutti gli affamati
Le tue risposte sono cannonate
mi lasciano la mente sbalordita
ma per avere le cose cambiate
ci vuole più gente istruita
perciò cantiamo le nostre canzoni
per togliere di mezzo questi padroni
Finalmente hai trovato la ragione
leviamo agli schiavi le catene
e di ogni uomo facciamo un leone
per scatenarlo contro i preti
perché monache preti e padronato
soon la rovina del nostro stato
Fatti convinto popolo affamato
svegliati in tempo affrettati e datti aiuto
svegliati zolfataro sventurato
svegliati contadino scheletrito
ché quando tutti saremo svegliati
potremo avere pace e libertà
ché quando tutti saremo svegliati
potremo avere pace e libertà.
