Cumiziu

Totu sa di’ marrendi
in su scuriu
in miniera
e respirendi
pruini e craboni.

Onnia croppu ki donu
biu sa scintilla,
in sa famiglia,
in sa sperantza
de cambiai.

Ma unu scoppiu mannu nd’at ghettau
e su scuriu,
sa galleria est crollada,
e-i est sa motti,
su coru miu no battit prusu
po unu minutu
ma est finida sa giornada
torrausu a susu
torra sa luxi
torra sa vida…

Su palcu est giai illuminau
is trombas funti provendiddas
sa pratza est fraccia de unu pogheddu
funti aspettendi cussu Antiogheddu.

E aici inghitza su cumiziu
a dennunciai su sfruttammentu,
sa fammi ki passa su poburu
srebit po ingrassai s’arriccu.

Ca su ‘inai di srebit po comprai
is terras, is montis e is maris,
e fai albergus po signoris
e po is ki podint pagai.
No certu, no est cosa po nosu
ca traballausu po pappai.