Denter di sògn – El Luisin tassista

Me pias sognàde bev on cafè

e cicciarà

col rè del paes

di sògn d’amor.

Spassegiand con lù,

de bon amis

gentilment me dis:

Denter di sògn

ghe metti i color

per fatt sognà

i sògn coloraa,

In del sognà

te podet vedè

el temp ch’el và

sui strad del doman.

Te foo sentì

legger on sospir

d’on coeur content

in cerca de pas.

Freguj de sògn

se ninen coi fior.

Dent di penser

se ciappen per man.

Disperdaroo

tra i turbin del vent

tucc i mè sògn

che varen nagòtt

per fagh el pòst

ai stòri d’on sògn

che descriv

la giòia de viv.