Canzone di osteria
Canzoni popolari Lombardia
Ohei mi l’alter dí sont andàa in via Larga
per ritirà di ritratt ch’hoo fàa fà
A voo denter el padrón el me guarda
tiri foeura i danée per pagà
Ciappi i ritratt i foo sú cont on foeuj
‘poggi sul tavol el mè portafoeuj
Oh che vaccada che hoo mai fàa mi
el mè portafoeuj me l’han bell e rostí
Ma mí sicur de la mia mettuda
ghe spuj in d’on oeucc e ghe strasci la muda
Ma lú el me dis: mè car Luis
el tò portafoeuj l’è giamò in paradis
Voo de corsa a la posta central
per podè ma de rintraccial
L’impiegàa el me dis: Vittori
el tò portafoeuj l’è giamò in purgatori
Gh’era dent dusént franch ma de quej mínga matt
dovevi toeu dusént cravatt
on’oca o dò cont trii o quatter polaster
on pè de cà cont insemma el capp master
Toeuvi on vagon de pasta lasagna
dovevi mandà la morosa in campagna
e cont el rest del mè capital
dovevi passà tutt’i fest de Natal
Gh’era dent on bigliett de la Questura
de presentàss cont on poo de premura
e insemma a i alter mè document
la lista di dèbit che gh’hoo con la gent
Mi l’altra mattina sont ancamò in lett
la mia miée la me porta on bigliètt
el tò portafoeuj el se troeuva in Toscana
sveglia che gh’hoo de fà su l’ottomana.
Ma mí de piang a sont in vèna
l’ha piangiùu tutta la via Arèna
Piangeva el Cecòtt, el Pino, el Gerosa
el Pèpp, el Brambilla con la sua tosa
Ma in d’ona sera che gh’è on poo de nèbbia
mí voo a curall propi in fond a via Trebbia
Bell bell, pian pian, pian pina, bell bell
ghe doo ona tapada tra coll e capèll.
