Album
È contenuto nei seguenti album:
Testo Della Canzone
La banda del Tirazza di El Luisin tassista
|
Musica di Desfy
Evviva el Tirazza, che in testa a la banda el và in sù la piazza, coi sonador che fann rumor cont i tambor! Gh’è la Rosina con sù i sibrett sòttabrazett cont el sò Cecch. Gh’è pur la Cecca col Meneghin, man in di man visin visin. Longh a la via spetten la banda che in fila la riva cont i bander tra tanti fior; e i sonador picchen sui tòll per fagh onor. El marcia denanz el Tirazza, la riva la banda, la passa, in riga la gira, se ferma, la spacca, la romp, la rintròna. La sòna con fòrza pervèrsa, la Norma, la Tosca, l’Aida. Con smania la trussa, la ruza, la torna ancamò in sù la piazza. La cria d’inversa a l’impicada i sinfonii de l’ongia incarnada. A l’è primavera, la banda la passa sù e giò per la fera. Oh se l’è bell cont el tarell a fà bordell! Per fà la tromba gh’hann el Carloeu ch’el boffa dent d’on pedrioeu. Gh’è ‘l Bigio panscia del Vigentin ch’el segna el temp cont el scovin. Tòll e tolloni con l’armonia de tanto stonada, foeura de pòst. Fiasch e fiaschett coi sonador se dann la man pròpi tra lor
|
Il testo contenuto in questa pagina è di proprietà dell’autore. WikiTesti è un’enciclopedia musicale con lo scopo di far conoscere a quante più persone possibile il panorama musicale.