Testo Della Canzone
La canzone dell'emigrante di Otello Profazio
|
Canzoni Calabresi
Oh, chi spartenza dolurusa e amara! Ciàngiunu puru ‘i petri di la via! Ciàngiunu l’occhi mei, fannu funtana… Ciàngiunu ca si spàrtunu di tia!… ‘Mèrica, chi ti vija arsa di focu!… Comu di focu fai ‘ddhumari a mia… Jeu partu, e lassu ‘stu felici locu, ma lu me’ cori resta ‘nsemi a tia… La navi ‘nta lu portu si pripara… ‘Spetta la me’ partenza ura pe’ ura… Cu’ li làgrimi toi la navi vara… Cu li suspiri mei si ferma ‘n’ura… Jeu partu, non però ‘sta vita mia si stacca e si ‘ndi vaci a la stranìa… O mamma, benedicimi li panni!… Chì staju partendu di li to’ cumanni… Partu, ca sù costrettu di partiri… Ca non la pozzu cchiù ‘sta vita fari|!… Li chianti, li lamenti e li suspiri non mi fannu di tia licenziari… Oh, chi spartenza dolurusa e amara!…
|
Il testo contenuto in questa pagina è di proprietà dell’autore. WikiTesti è un’enciclopedia musicale con lo scopo di far conoscere a quante più persone possibile il panorama musicale.