La cervellera

La miée del cervellée
la piang la strilla
la pesta i pée
tutt el dì con sto salamm
a gh’è scappàa anca la famm.

E lée la dit ohèj mí sont stuffa
on bell dí coeuri scappà
inscí l’ha fàa.

La fa pú la cervellera
quel bell tocch de scorcionera
l’è scappada l’altra sera
per vorè cambià bandera.

Lée la dit la mortadella
oramai l’è semper quella
voeuri andà a cambià mestée
scapparóo col fondeghée
ma foo pú la cervellera – olé.

Gh’è success on gassaghée
l’ha taccàa lit col fondeghée
l’è tornada a fà la pas
col sò marí, el sò gervas.

In mezz a pever e cannella
ghe pareva de morí
l’è stada inscí.

La fa pú la fondeghera
e la fa anmò la cervellera
quell bell tocch de scorcionera
lìha tornàa a voltà bandera.

Adèss ghe pias la bondajioeula
la me sbrana el gorgonzoeula
e l’ha ciappàa on indigestión
cont on bell tocch de saltizzón
la fa anmò la cervellera – olé.