Lamento di un servo a un santo crocifisso

Un servu tempu fa, di chista piazza
cussì prijava a un Cristu, e cci dicìa:
– Signuri, ‘u me’ patruni mi strapazza,
mi tratta comu un cani di la via;
tuttu si pigghia ccu la so manazza,
la vita dici ca mancu hedi mia;
si jò mi lagnu,cchiù peju amminazza,
ccu ferri mi castìja a prigionia;
undi jò vi preju, chista mala razza
distruggìtila vui, Cristu, pri mia. –

– E tu forsi chi hai ciunchi li razza,
o puru l’hai ‘nchiuvati comu a mia?
Cui voli la giustizia si la fazza,
né speri ch’autru la fazza pri tia.
Si tu si omu e non si’ testa pazza,
metti a prufittu sta sintenza mia:
jò non sarìa supra sta cruciazza,
si avissi fattu quantu dicu a tia. –