Lettera ad Angela

Lé la me dà un basin e la va in lett
mi speri che la dorma in alegria
cuatada in fin al nas sota i cuvert
«te vöri ben ma tant Angela mia»

Quand’rivi a ca’ sgiunfà del gran lauràa
a gh’hu la crapa tüta in scunfundèra
me riess dumà de dì «cume la va?»
de dì «Se l’è che mangium questa sera?»

E inscì anca l’amur gh’ha minga ‘l fià
el fià per un basin, una carèssa
mi vuraria, ma ‘l cör l’è chi saràt
da tanti ur de ball e de stanchèssa

Lauràa, pagàa, sciupàa, lauràa e inscì
l’amur se streng in cör e ‘l dis pü gnènt
lauri e paghi e sciopo e vu’ a durmì
che inscì el me padrun a l’è cuntent

Eh già, padrun del lèla, adess vu’ in lett
vu’ in lett, ma pien d’amur e d’alegria,
dassedi la me dona cun rispètt
per digh «te vöri ben, Angela mia».