L’illusion

L’illusion, l’è domà

‘na magia del creaa,

che te lassa la gran voeuja de sperà.

Teoria che l’ingana

tutta la giòia vera,

che in del coeur mai pù la moeur.

L’illusion, se la gh’è

te regala con piesè,

ona strana sensazion che fà pensà,

ona vita spensierada

in alt sul mond sospesa,

che anmò la fà sorid.

L’ illusion, ma però

l’è lostess d’on gran falò,

che fa finta de brusà i dispiesè.

E l’insegna la manera

de viv a la giornada.

Quand l’è sera gh’è giò ‘l sô.

L’ illusion, per ben campà,

a tutti cost

la dev alimentà

el frutt di desieri,

che cerca a bon mercà

la realtà artificial,

in visibili li distesa

tra i sògn de fantasia.