Ma ‘sti signori

Da 30 giorni semo de bando
par diminusiòn de personal
vintitrè òmeni i ga cassà fora,
tutto un’inverno sensa lavorar…

Ma ‘sti signori che ‘desso dise
che da un bel toco la guera xe finìa
che i vegna a veder la polisia
come che spara, come che copa

cChe i vegna a veder, tra un timbro e staltro,
tra un discorso e un’inaugurasiòn
come ‘sto popolo pien de malani
viva da cani, morto di fame

E che no i vegna a dirne “pase”
finchè se vive in ‘sta maniera
‘che non se pol gnanca parlar
sinò i te spara, i te cassa in galera

Ghe vol el coragio dei disonesti
per dirne “pase” in ‘ste condisiòn
Forse co i altri la xe finìa,
‘sta bruta guera, ma no col paròn.