Mi salutati iddu ‘nfamu di Bazara

Mi salutat’iddu ‘nfamu di Bazara,
chillu ca feci fa’ l’associazioni!
A millecincucentu n’ha fatt’arrestari,
camorristi, picciotti e giovani d’unuri!

U’ capo-società Santo Scituni,
‘o cuntajolo fu’ Rocco Milano.
‘O carcerat’i Reggi si feci ‘nfamo
cu na parola ch’adissu ci meno!

Chillu di Catanzar’ capo-bastuni
chillo di Parm’i fa criminali.
Ajeri sera mi purtaru allu casteddu:
che bedda ‘nzalatedda che truvai!

Mi chiuderne dint’a nu dammuseddu:
facev’ ‘o scuru e non ghiurnava mai!
E datemi ‘na mant’ ed un pagghioni,
quando m’ascuru ‘n terra com’un cani!

Mamma bedda pecché nun m’affugasti,
quando la voc’e masculu sentisti!
Che m’accriscist’a ppan’e latto,
to’ figghiu p’e galere tu criasti!

Ora mi fa lu chiant’ de la Maddalena
cu’i capiddi sciolt’alla rumana …
Chi c’ave amant’e chi tene maritu:
me’ madri n’ha me sulu sfurtunatu!

Facit’u larg’ ca pass’ Santu Scituni,
lu malantrinu dilli parmisani!
Guarda che morte feci Santu Scituni,
feci la morte du lu pescicani!

Di Reggio mi purtar’a Catanzaro:
ih, rumori ca sintìa, ferru e cateni!
S’affaccia lu judic’allu spurteddu:
– Dimmi la verità ca ti ‘nni mannu … –

– La verità la dissi a lu confissuri
e non tradìa a ttia sbirr’e ‘nfamonu! –
Muttette che cacciar’ li riggitani
e la cacciamo cu saggi palori!

Fecern’nu palazzett’ a setti piani
armatu di cutedd’e di bastonu:
U’ primu ch’inchianau, Santu Scituni,
secondu fu Vicienzo Canzoneri!

Secondu fu Vicienzo Canzoneri,
Chiddu ca distruggea sbirr’e ‘nfamonu…
E tornu a repricar: l’aju sbagliati.
Chist’alli megghi’amici l’aju mannati!