No “Dal Molin”

Forse‘riva i ‘Mericani
parabonzi
bonzi bon
I ghe ‘n parla da tre àni
parabonzi
bonzi bon
Hullweck dìse “Sì ala Base”,
con Vicenza invese el tàse!
Dighe de no, Vicenza,
Dighe: “NO DAL MOLIN!”

Forse ‘riva i ‘Mericani
parabonzi
bonzi bon
Col Governo dei ingàni!
parabonzi
bonzi bon
I se ne frega del “Cermìs”
e i vol far la Base “bis”!
Dighe de no, Vicenza,
Dighe: “NO DAL MOLIN”

‘Rivarà i Americani?
parabonzi
bonzi bon
Par acòrdi tanto strani!
bonzi bon
No sa gnente el Ministero,
tùto avòlto nel mistero!
Dighe de no, Vicenza,
Dighe: “NO DAL MOLIN”

‘Rivarà ‘sti Americani?
parabonzi
bonzi bon
I vorìa portàr ‘reoplàni
parabonzi
bonzi bon
S-ciopi, bombe, cariarmati,
muri e reticolàti!
Dighe de no, Vicenza,
Dighe: “NO DAL MOLIN”

Xe ‘rivà i Americani?
parabonzi
bonzi bon
‘Ghe somèia più a marsiàni!
parabonzi
bonzi bon
I vòl fàrla da paròni,
I vàda fòra dai coiòni!
Dighe de no, Vicenza,
Dighe: “NO DAL MOLIN” (bis)