No mi giamedas Maria

[Mira, mira, mirade
mira cantu dolore
Mira, mira, mirade
sas lagrimas ‘e sa mama ‘e Deus
ma no la giamedas Maria
no la giamedas Maria]

Sende mortu cun rigore
su coro ‘e s’anima mia
no mi giamedas Maria
ne de grazia piena
ma de dolores e penas
de turmentu e agonia
[ca bido sa vida mia
intregada a traitores]

No mi giamedas Maria
si chi no Mama de dolore
No mi giamedas Maria
si chi no Mama de dolore

No mi nedas beneitta
intro ‘e sas feminas ria
s’intende s’anima mia
triste dolente e afflitta
cando l’happo dadu sa titta
senz’haer tantu dolore.

No mi giamedas Maria
si chi no Mama de dolore
No mi giamedas Maria
si chi no Mama de dolore

[Giamademi s’affligida
giamademi s’attristada,
sa de penas carrigada
sa de ispadas ferida
de Fizzu meu sa vida
es dada a crocifissore]

[Mira, mira, mirade
Mira cantu dolore]